Gusht 2022
Nga çfarë kemi nevojë të shpëtohemi? Vargu 9 e thotë shumë qartë: nga zemërimi i Perëndisë. “Duke qenë tani të drejtësuar nëpërmjet gjakut të tij, do të shpëtohemi nga zemërimi me anë të tij.” Megjithatë, a është ky trofeu më i lartë, më i mirë, më i plotë dhe më i kënaqshëm i ungjillit?
Jo! Vargu 10 thotë: “aq më shumë tani... do të shpëtohemi nëpërmjet jetës së tij.” Pastaj vargu 11 shkon deri te synimi i madh dhe përfundimtar i ungjillit: “E jo vetëm kaq, por edhe mburremi në Perëndinë.”
Kjo është e mira përfundimtare dhe më e lartë e lajmit të mirë. Nuk ka tjetër “më tepër se kaq” pas kësaj. Kemi vetëm thënien e Palit, që na tregon se si arrijmë atje: “nëpërmjet Zotit tonë Jezu Krisht, me anë të të cilit tani kemi marrë pajtimin.”
Synimi i ungjillit është që ne “mburremi në Perëndinë”. E mira më e lartë, më e thellë dhe më e ëmbël e ungjillit është vetë Perëndia, me të cilin kënaqet populli i Tij i shpenguar.
Perëndia në Krishtin u bë çmimi (Romakëve 5:6-8) dhe Perëndia në Krishtin u bë trofeu (Romakëve 5:11).
Ungjilli është lajmi i mirë që Perëndia bleu për ne kënaqësinë e përjetshme me veten e Tij.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022