Gusht 2022
Askush nuk humbet midis përjetësisë së shkuar në paracaktimin e Perëndisë dhe përjetësisë së ardhshme në përlëvdimin e Perëndisë.
Asnjë nga ata që janë paracaktuar për birëri, nuk dështon të thirret. Asnjë nga ata që janë thirrur, nuk dështon të drejtësohet. Asnjë nga ata që drejtësohen, nuk dështon të përlëvdohet. Ky është një zinxhir i pathyeshëm çeliku i besnikërisë hyjnore të besëlidhjes.
Prandaj, Pali thotë:
Duke qenë i bindur për këtë, se ai që nisi një vepër të mirë në ju, do ta përfundojë deri në ditën e Jezu Krishtit. (Filipianëve 1:6)
I cili edhe do t’ju vërtetojë deri në fund, që të jeni të paqortueshëm në ditën e Zotit tonë Jezu Krisht. Besnik është Perëndia, nga i cili u thirrët në bashkësinë e Birit të tij Jezu Krishtit, Zotit tonë. (1 e Korintasve 1:8-9)
Këto janë premtimet e Perëndisë tonë, i cili s’mund të gënjejë. Ata që kanë lindur sërish, janë aq të sigurt sa dhe besnikëria e Perëndisë.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022