Korrik 2022
Besimi i disa njerëzve thyhet, në vend që të forcohet nga vuajtja. Jezusi e dinte këtë dhe e përshkroi në shëmbëlltyrën e katër tokave të ndryshme. Disa njerëz që e dëgjojnë fjalën, në fillim e pranojnë atë me gëzim, por pastaj vuajtja i bën që të skandalizohen.
Prandaj, mundimi nuk e bën gjithmonë besimin më të fortë. Ndonjëherë e shkatërron atë. Atëherë përmbushen fjalët paradoksale të Krishtit: “Atij që s’ka, do t’i merret edhe ajo që ka” (Marku 4:25).
Kjo është një thirrje që ne të durojmë në vuajtje me një besim të palëkundur në hirin e ardhshëm, në mënyrë që besimi ynë të bëhet edhe më i fortë dhe të mos dalë i kotë (1 e Korintasve 15:2). “Sepse atij që ka, do t’i jepet” (Marku 4:25). Njohja e planit të Perëndisë në vuajtje është një nga mjetet kryesore për t’u rritur përmes vuajtjes.
Nëse mendon se vuajtja jote nuk ka kuptim, ose që Perëndia nuk është në kontroll, apo që Ai është tekanjoz ose i pamëshirshëm, atëherë vuajtja jote do të të largojë nga Perëndia, në vend që të të largojë nga çdo gjë tjetër dhe jo nga Ai–siç duhet të ndodhë. Prandaj, është shumë e rëndësishme që besimi në hirin e Perëndisë të përfshijë besimin se Ai jep hir përmes vuajtjes.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022