Mars 2022
Sot në mëngjes, po qëndroja gjatë në këto fjalë madhështore, që të thyejnë zemrën. Pali ishte i burgosur në Romë. Me aq sa dimë, ai nuk u lirua kurrë. Ja si përfundon letra e tij e fundit.
Mendo dhe mahnitu!
Pali është braktisur: “Asnjeri nuk më përkrahu.” Tashmë është plak. Pali është një shërbëtor besnik. Tani është në një qytet të huaj, larg shtëpisë së tij. Është i rrethuar nga armiqtë dhe në rrezik për vdekje. Pse? Përgjigjja: Që të kishte mundësi të shkruante këtë fjali të çmuar për shpirtrat tanë të dekurajuar, të frikësuar dhe të vetmuar: “Por Zoti qëndroi me mua!”
Oh, sa i dua ato fjalë! A i ankohesh Perëndisë kur të braktisin miqtë e ngushtë? Mos vallë njerëzit që ke përreth, janë vërtet perëndi për ty? Apo gjen guxim në këtë të vërtetë madhështore: “Unë jam me ju gjithë ditët” (Mateu 28:20)—pavarësisht se kush të braktis? A i jep forcë zemrës me këtë betim të pamposhtur: “Nuk do të të lë, as nuk do të të braktis” (Hebrenjve 13:5)?
Atëherë le të themi: “Zoti qëndroi me mua!”
Pyetja: Cili ishte rreziku i mundshëm te 2 e Timoteut 4:18? Përgjigjja: Që Pali të mos arrinte në mbretërinë qiellore! Përballë këtij kërcënimi, Pali thërret: “Zoti do të...më shpëtojë për të më çuar në mbretërinë e tij qiellore.”
Pyetja: Si po kërcënohej arritja e Palit në mbretërinë qiellore? Përgjigjja: “veprat e liga”. “Zoti do të më çlirojë nga çdo vepër e ligë dhe do të më shpëtojë për të më çuar në mbretërinë e tij qiellore.”
Pyetja: Si mund ta kërcënojë një vepër e ligë arritjen e Palit në mbretërinë qiellore? Përgjigjja: duke e tunduar që të braktisë besnikërinë e tij ndaj Krishtit përmes mosbindjes.
Pyetja: A ishte ky tundim “goja e luanit”, nga e cila Pal iu shpëtua? Përgjigjja: Po. “Kundërshtari juaj, djalli, sillet rreth e qark si një luan vrumbullues, duke kërkuar cilin mund të përpijë. Atij kundërshtojini, të patundur në besim” (1 e Pjetrit 5:8-9).
Pyetja: Pra, kush e merr lavdinë që Pali nuk iu dorëzua këtij tundimi satanik, por duroi deri në fund me besim dhe bindje? Përgjigjja: “Atij [Zotit] i qoftë lavdia dhe pushteti në jetë të jetëve” (1 Pjetrit 5:11). “Lavdi atij në shekuij të shekujve. Amen” (2 Timoteut 4:18).
Pyetja: Pse? A nuk ishte Pali, ai që qëndroi i patundur? Përgjigjja: “Zoti qëndroi me mua dhe më forcoi!”
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022