Shtator 2022
Mesazhi që duhet shpallur nga majat e çative të institucioneve financiare është ky: O njeri i botës, ti nuk je mjaftueshëm hedonist!
Mos u mjafto thjesht me 2% fitim të kënaqësisë, i cili brehet nga tenjat e inflacionit dhe nga ndryshku i vdekjes. Investo në pasuritë e paluajtshme të qiellit, të cilat kanë cilësinë më të lartë dhe shpërblimin më të madh dhe që kanë një siguracion hyjnor.
T’ia kushtosh jetën rehative, sigurisë dhe kënaqësive materiale është sikur t’i hedhësh paratë në një gropë ujërash të zeza. Por investimi i jetës në mundin e dashurisë të sjell fitimet e pafundme dhe të pakrahasueshme të gëzimit:
“Shitni ç’të keni tuajën dhe jepni lëmoshë! [Dhe kështu] Bëni për vete kuleta që nuk vjetrohen, një thesar të pashtershëm në qiejt, ku vjedhësi nuk afrohet dhe tenja nuk bren” (Luka 12:33).
Ky mesazh është lajm shumë i mirë: Eja te Krishti, në praninë e të cilit gjendet plotësia e gëzimit dhe kënaqësia e përjetshme. Bashkohu me ne në mundin e hedonizmit të krishterë, sepse vetë Zoti ka thënë: Ka më tepër bekim kur tregon dashuri sesa kur jeton në luks! Ka më tepër bekim tani dhe në përjetësi.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022
Etiketa: John Piper, Solid Joys