18 nëntor – Fuqia depërtuese e Fjalës

Fjala e Perëndisë është shpresa jonë e vetme. Lajmi i mirë i premtimeve të Perëndisë dhe i paralajmërimeve të gjykimit të Tij janë mjaft të mprehta, mjaft të gjalla dhe mjaft vepruese, aq sa mund të depërtojnë deri në thellësitë e zemrës dhe më tregojnë se gënjeshtrat e mëkatit janë me të vërtetë gënjeshtra.

Dështimi nuk do të krijojë një të ardhme të mrekullueshme për mua. As tradhtia, as të veshurit në mënyrë provokuese, as hedhja tej e pastërtisë time seksuale, as të qëndruarit në heshtje ndaj pandershmërisë në punë, as divorci dhe as hakmarrja. Ajo që më shpëton nga ky mashtrim është fjala e Perëndisë.

Fjala e premtimit të Perëndisë është si të hapësh një dritare të madhe nga e cila hyn drita e shndritshme e diellit të mëngjesit mbi kacabunjtë e mëkatit, të cilat shtiren si kënaqësi përmbushëse në zemrat tona. Perëndia të ka dhënë lajmin e Tij të mirë, premtimet e Tij, fjalën e Tij për të të mbrojtur nga mashtrimet e forta të mëkatit që përpiqen të ta ngurtësojnë zemrën dhe të të joshin për t’u larguar nga Perëndia, të cilat të çojnë në shkatërrim.

Merr zemër në betejën tënde për të besuar. Për shkak se fjala e Perëndisë është e gjallë dhe vepruese, dhe më e mprehtë se çdo shpatë me dy tehe, ajo do të depërtojë më thellë nga sa ka depërtuar çdo mashtrim i mëkatit ndonjëherë, dhe do të na zbulojë atë që është vërtet e vlefshme dhe në të cilën ia vlen vërtet të besosh dhe të duash.