Tetor 2022
Jezusi po thotë këtu se Ai vetë është shpërblimi për çdo sakrificë.
- Nëse heq dorë nga interesimi dhe dashuria e afërt e nënës, do të marrësh njëqindfish më tepër kujdes dhe dashuri nga Krishti, i cili është gjithmonë pranë teje.
- Nëse heq dorë nga shoqëria e ngrohtë e një vëllai, do të marrësh njëqindfish më shumë ngrohtësinë dhe shoqërinë e Krishtit.
- Nëse heq dorë nga ndjesia e të qenët në shtëpi, te shtëpia që kishe, do të marrësh njëqindfish më tepër ngushëllim dhe siguri duke ditur se Zoti yt është pronari i çdo shtëpie.
Misionarëve të ardhshëm Jezusi po u thotë: “Unë ju premtoj se do të punoj për ju dhe do të jem me ju, aq shumë sa nuk do të jeni në gjendje të thoni se keni sakrifikuar ndonjë gjë.”
Cili ishte qëndrimi i Jezusit ndaj shpirtit “sakrifikues” të Pjetrit? Pjetri tha: “Ja, ne lamë çdo gjë dhe të ndoqëm” (Marku 10:28). A është ky shpirti i “vetëmohimit”, që lavdërohet nga Jezusi? Jo, ai lloj shpirti qortohet.
Jezusi i tha Pjetrit: “Askush nuk sakrifikon ndonjë gjë për mua, të cilit të mos ia kthej njëqindfish–po, në njëfarë kuptimi edhe në këtë jetë, për të mos folur pastaj për jetën e përjetshme në epokën që do të vijë.”
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022