Prill 2022
Nëse jeton brenda këtij premtimi të pamasë, jeta jote do të jetë më e qëndrueshme dhe më e palëkundur se mali Everest.
Nëse je brenda mureve të Romakëve 8:28, asgjë nuk mund të të rrëzojë. Jashtë Romakëve 8:28, gjithçka është konfuzion, ankth, frikë dhe pasiguri. Jashtë premtimit të hirit të ardhshëm e gjithëpërfshirës të Perëndisë, gjenden shtëpitë prej kashte të drogës, pornografisë dhe të dhjetëra shpërqendrimeve të kota. Gjejmë dhe gardhe e çati llamarine nga investime të dobëta, siguracione të paqëndrueshme dhe plane joserioze për pensionin. Ka fortifikime kartoni me kyçe të sigurt, me sisteme alarmi dhe kundërraketa. Jashtë këtij premtimi ka një mijë zëvendësime për Romakëve 8:28.
Sapo të kalosh përmes derës së dashurisë, në kështjellën masive dhe të palëkundshme të Romakëve 8:28, gjithçka ndryshon. Në jetën tënde ka qëndrueshmëri, thellësi dhe liri. Thjesht nuk mund të rrëzohesh më. Siguria që një Perëndi sovran qeveris për të mirën tënde të gjithë dhimbjen dhe kënaqësinë që do të përjetosh ndonjëherë, është një strehë, siguri, shpresë dhe fuqi e pakrahasueshme në jetën tënde.
Kur njerëzit e Perëndisë jetojnë me anë të hirit të ardhshëm të Romakëve 8:28—nga foshnjëria e deri në pleqëri—ata janë njerëzit më të lirë, më të fortë dhe më bujarë në botë.
Drita e tyre shkëlqen dhe ata i japin lavdi Atit të tyre që është në qiej (Mateu 5:16).
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022