Konstandin Kristoforidhi: Historia e Shkrimit të Shenjtë & Katër katekizma

Në këtë botim do të gjeni dy vepra shumë të rëndësishme të Kristoforidhit, të përgatitura për botim nga prof. Xhevat Lloshi. Historia e Shkrimit të Shenjtë është një nga dëshmitë më të rëndësishme historike, sepse u vendos nga “Komisia letrare e Shkodrës” si modeli kryesor i shkruar, që do të ndiqej më tej në shkrimin e shqipes standarde. Katër Katekizmat shpalosin një formë të përgatitjes së mësimeve të krishtera. E rëndësishme është se të dyja janë dëshmi shumë e rëndësishme e gjuhës shqipe të shkruar, dhe pasqyrohen në këtë vëllim në variantin geg dhe në variantin tosk, duke lehtësuar kështu përqasjen e tyre.