Gusht 2022
Deri ku shtrihet mbretërimi i Krishtit?
Vargu pasardhës, 1 e Korintasve 15:25, thotë: “Sepse duhet që ai të mbretërojë, derisa t’i vërë të gjithë armiqtë nën këmbët e veta.” Fjala të gjithë na tregon shtrirjen e mbretërimit të Krishtit.
Të njëjtën gjë na tregon edhe fjala çdo në vargun 24: “Pastaj do të vijë fundi, kur ai do t’ia dorëzojë mbretërinë Perëndisë Atë, pasi të ketë asgjësuar çdo sundim, çdo pushtet e fuqi.”
Nuk ka asnjë sëmundje, asnjë varësi, as demon, as zakon të keq, as faj, as ves, as dobësi, as shpërthim zemërimi, as gjendje të luhatur, as krenari, as keqardhje për veten, as përleshje, as xhelozi, as shthurje, as lakmi, apo përtaci, që Krishti të mos e mposhtë si armikun e nderit të Tij.
Inkurajimi në atë premtim është që, kur e ndan mendjen të bësh betejë me armiqtë e besimit dhe shenjtërisë tënde, ti nuk do të luftosh vetëm.
Jezu Krishti po i vë nën këmbët e Tij të gjithë armiqtë e Tij tani, në këtë epokë. Çdo sundim, çdo pushtet dhe çdo autoritet do të mposhtet.
Prandaj mbaj mend se shtrirja e mbretërimit të Krishtit arrin armiqtë më të vegjël dhe më të mëdhenj të lavdisë së Tij në jetën tënde dhe në gjithësi. Çdo armik do të mposhtet.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022