nentor 24

Nëntor 2022


Pse shkrimtari i Hebrenjve na inkurajon të kapemi fort pas shpresës që na u vu përpara? Nëse përjetimi final i shpresës sonë u arrit dhe u sigurua pandryshueshmërisht nga gjaku i Jezusit, atëherë pse Perëndia na thotë që të kapemi fort pas asaj shprese?

Përgjigjja është kjo:

  • Ajo që Krishti bleu për ne kur vdiq, nuk është të mos pasurit nevojë për t’u mbajtur fort, por fuqia aftësuese për t’u mbajtur fort.
  • Ajo që Krishti bleu për ne, nuk ishte anulimi i vullnetit tonë, sikur të mos na duhej të mbaheshim fort, por transformimi fuqizues i vullnetit tonë, në mënyrë që të duam të mbahemi fort.
  • Ajo që Ai bleu, nuk ishte anulimi i urdhërimit për t’u mbajtur fort, por përmbushja e urdhërimit për t’u mbajtur fort.
  • Ajo që Krishti bleu, nuk ishte fundi i nxitjes, por triumfi i nxitjes.

Ai vdiq që ti të bësh pikërisht atë që bëri Pali te Filipianëve 3:12: “Po e ndjek prapa se mos e kap, sepse edhe unë u kapa nga Jezu Krishti.” Është ungjilli dhe jo marrëzi t’i thuash një mëkatari të bëjë atë që vetëm Krishti mund ta aftësojë ta bëjë; domethënë, të shpresojë në Perëndinë.

Prandaj, të nxis me gjithë zemrën time: Zgjatu dhe kapu pas asaj për të cilën je kapur nga Krishti. Mbaje fort me gjithë forcën tënde–e cila është fuqia e Tij. Kape fort dhuratën e bindjes tënde, të cilën Krishti e bleu me gjakun e Tij.


John Piper është themeluesi dhe mësuesi i desiringGod.org si dhe president i Kolegjit dhe Seminarit Betlehem. Ai ka shërbyer për 33 vjet si pastor i Kishës Baptiste Betlehem, në Miniapolis, Minesota. Ai është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Katër prej librave të John Piper janë botuar edhe në gjuhën shqip, Mos e Shko Dëm Jetën, Pes Pika – Drejt një përjetimi më të thellë të hirit të Perëndisë, Virusi Korona dhe Krishti dhe Lajm i Mirë, Gëzim i Madh.

Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.

©️ dritez.al 2022


EtiketaSolid Joys

Postime të ngjashme

30 Nëntor – Turpi triumfues i kryqit
>