Gusht 2022
Pse nuk përgjërohet Davidi për kufizim seksual? Përse nuk lutet ai që burra të tjerë t’i kërkojnë llogari? Përse nuk lutet për mbrojtjen e syve dhe për mendime pa natyrë seksuale? Në këtë psalm rrëfimi dhe pendimi, të shkruar pasi Davidi e kishte përdhunuar realisht Bathshebën, presim që ai ta kërkojë një gjë të tillë.
Arsyeja është që ai e di se mëkati seksual është një simptomë dhe jo vetë sëmundja.
Njerëzit i dorëzohen mëkatit seksual, për shkak se nuk e kanë plotësinë e gëzimit dhe ngazëllimit në Krishtin. Shpirti i tyre nuk është i qëndrueshëm, as i vendosur dhe as i themeluar. Ata lëkunden. Ata joshen dhe dorëzohen, për shkak se Perëndia nuk e ka vendin suprem, që duhet të ketë, në mendimet dhe ndjenjat e tyre.
Davidi e dinte këtë gjë për veten e tij. Kjo është e vërtetë edhe për ne. Përmes mënyrës se si lutet, Davidi po na tregon se cila është nevoja reale për ata që mëkatojnë seksualisht: Perëndia! Gëzimi në Perëndinë.
Kjo është urtësi e thellë për ne.
John Piper është themeluesi dhe mësuesi i desiringGod.org si dhe president i kolegjit dhe seminarit Bethlehem. Ai ka shërbyer për 33 vjet si pastor i kishës baptiste Bethlehem, në Miniapolis, Minesota. Piper-i është autor i më shumë se 50 librave ku përfshihen Desiring God: Meditations of a Christian Hedonist dhe libri i tij më i ri Providence. Pesë prej librave të John Piper-it janë botuar edhe në gjuhën shqip, Mos e shko dëm jetën; Pesë pika – Drejt një përjetimi më të thellë të hirit të Perëndisë; Virusi Korona dhe Krishti; Lajm i mirë, gëzim i madh dhe Soditja dhe shijimi i Jezu Krishtit.
Shënim: Ju mund ta shpërndani këtë material, pa ndryshuar aspak përmbajtjen. Sigurohuni të citoni “botuar me leje nga dritez.al” dhe vendosni hallkën (linkun) e këtij artikulli nga faqja jonë në internet.
©️ dritez.al 2022