Shenjtëria: Natyra, rrënjët, pengesat dhe vështirësitë

Shenjtëria: Natyra, rrënjët, pengesat dhe vështirësitë është ndoshta libri më i njohur dhe me të drejtë më i dashur i J. C. Ryle-it. Edhe pse shumë gjëra kanë ndryshuar që nga viti 1877, viti kur ky libër u botua për herë të parë, një gjë vazhdon të jetë e njëjtë: “Shenjtëria e vërtetë praktike nuk po merr vëmendjen që meriton.” Ryle-i mori penën për të shkruar këtë libër, në mënyrë që të trajtonte këtë mungesë vëmendjeje ndaj shenjtërisë, si dhe për të kundërshtuar mësimin e rremë.“Nuk kam dëshirë që ta bëj shenjtërinë idhull. Nuk dëshiroj ta zbres Krishtin nga froni dhe në vend të Tij të vendos shenjtërinë. Por me sinqeritet duhet të them se do të doja që shenjtërimi të konsiderohej më tepër nga sa duket në këtë kohë, dhe për këtë arsye gjej rastin për ta theksuar këtë temë përpara gjithë besimtarëve në duart e të cilëve mund të bjerë ky libër… Le të përpiqemi ta mbajmë vazhdimisht para syve tanë këtë tekst: ‘Ndiqni shenjtërimin, pa të cilin asnjë nuk do ta shikojë Zotin.’”

—J. C. RYLE, nga kapitulli “Shenjtëria”

“…ky libër është thjesht më i miri nga pena e Ryle-it, këtij pastori të llojit puritan. Të krishterët e vërtetë do të zbulojnë se ky libër është një minierë ari, një gosti, një nxitje dhe inkurajim që të ngroh zemrën, ushqim, pije, ilaç, dhe një gjellë plot vitamina, të gjitha në një libër të vetëm.” —J. I. PACKER

Interval çmimesh: 1,000 L deri më 1,500 L

Kapaku

Spastroje