Virusi Korona dhe Krishti

Po e shkruaj këtë libër të vogël gjatë ditëve të fundit të muajt Mars 2020, në fillimet e një pandemie globale të njohur si virusi Korona, apo me emrin më teknik, “sëmundja e virusit Korona 2019” (shkurt COVID-19)…Kur ta lexoni këtë libër, do ta dini më mirë se unë si kanë rrjedhur ngjarjet.

Megjithatë, kjo është një kohë kur ndihet brishtësia e kësaj bote. Ato themele që dukeshin si të palëkundshme, po tronditen. Pyetja që duhet të bëjmë është kjo: A janë vendosur këmbët tona mbi një Shkëmb? Mbi një Shkëmb që nuk mund të lëkundet kurrë?

Për sa i përket virusit Korona, apo ndonjë gjëje tjetër, ka pak rëndësi mendimi im, ama ka rëndësi të përjetshme se çfarë mendon Perëndia…